(0 لا تلمس الجرح خل الجرح واسبابه 0)

.
:
.
طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره .
:
.
الشاهد الله بدونك ضايقن صدري
ويفز قلبي لاجابك الطاري
انا ذبحني غيابك وانت ماتدري
قلبك بعيد وعيونك تسكن افكاري
اسوق عمري غلا يوم الغلا مشري
وابيع كل البشر واصير لك انا الشاري .
:
.
أبكي وانادي ليه قطع المواصيل
متى على الله ساعة الوصل تاتى
يادمعتى لا تطلبين المناديل
تكفين يا عيوني من الدمع هاتي
وينه ونيس الصبح والعصر والليل
في غيبته غابت جميع امنياتي .
:
.
ما شكيت من الوله بين المحاني
وما جزعت من الفراق وكبر قله
ما تحس انك فقدت انسان غالي
ما يمل القرب منك ولا تمله
كان تذكرني مع الخلوه ثواني
انت في بالي ترى العمر كله
.
:
.
درب الشقا يا خوك طالت مماشيه
والوثت ضاع وراح عمري شقاوي
العام اداوي ونزيف الجرح واكويه
واليوم عاب جرحي ماله مداوي
فوق الورق دمعي نقش ضيم ماضيه
عبره لمن غره زمانه هواوي.
:
.
لا تلمس الجرح خل الجرح واسبابه
الله يخليك مافيني يكفيني
حتى حبيبي زمان الحب ما جابه
كان اخر انسان متصور يجافيني
يكفيني انه ترك لي شي اشقابه
دفتر قصيد وقلم مسجون بيديني
.
:
.
محتاج اسولف معاك واقول انك عنيده
تشبه بعد غدر الزمن نزعة الروح
محتاج اشيل القلب واقطع وريده
مليت حب دايم الدوم مذبوح
كل المشاعر فى القلوب البليده
تشبه باب الموت لاقامت تلوح
كيف ابتدى وصف اللهيب وجليده
كيف اخنق العبره على صوت مبحوح
كانت على اغرض المحبه وحيده
تبنى على دمى ميادين وجـــــــــــروح .
:
.
ياولد طبعي ماترجى مقفين
من صد عني حالف ماترجاه
ننسى هوى من لايبينا محبين
ننسى غلاه وباقي الود نمحاه
ننسى هوى من باق عهد المحبين
ناقض عهود الحب لابد ننساه
نعلن جفاه ومن غرامه متبرين
فراق حبه عزة النفس ورضاه